Carballo a un paso

Inicio // Coñece Carballo // Quen somos

Compartir:

Quen somos

As carballesas e os carballeses somos xente dinámica e emprendedora. Habitamos no corazón de Bergantiños, no norte da Costa da Morte

Carballo, capital de Bergantiños, asenta na beira norte da Costa da Morte. Capital e epicentro económico e comercial da comarca, cruce de camiños entre Santiago, A Coruña e Fisterra, a vila é na actualidade un núcleo dinámico e cheo de vida, con gran capacidade de atracción.

Centos de persoas achéganse día a día á nosa vila pola súa oferta cultural e de ocio, a súa rede de servizos e o pulo das súas feiras e do mercado de proximidade. Cos seus xa máis de 31.000 habitantes, o noso concello entrou no século XXI como un dos meirandes de toda Galicia e dos máis densamente poboados da provincia da Coruña.

O 60 por cento das e dos carballeses vivimos na vila, que conta cunha importante franxa de poboación moza, chea de enerxía e de proxectos.

Entre o mar e a terra, entre o impulso dunha vila comercial e de servizos, e un rural que destacou sempre pola fertilidade das terras de Bergantiños, Carballo estende enérxico as súas raíces cara ao futuro.


Feader Ministerio de agricultura, alimentaci?n y medio ambiente Xunta de Galicia Deputaci?n da Coru?a Galicia Agader Costa da Morte - Terra Atl?ntica