Fotos gañadoras "Carballo a un paso"

Xa temos as fotos gañadoras do concurso "Carballo a un paso". O primeiro posto foi para Verónica Señarís, con 321 votos. O segundo, para Jorge Gómez, con 262. E o terceiro, para Vítor Recarei, con 256 "gústame". Noraboa ás persoas que conseguistes premio e moitas grazas a todas as que participastes tanto coas vosas fotos coma cos vosos votos.

E agora, a gozar dos premios. O primeiro será unha estadía dunha noite para dúas persoas con cea e almorzo ao día seguinte no Pazo do Souto, en Sísamo.  Cóctel de langostinos ou entrecot de tenreira galega serán algún dos manxares que degustarán a persoas gañadora e a súa parella. O segundo, un circuito para dúas persoas no Balneario de Carballo no que se inclúe un baño con burbullas e un tratamento corporal de envolvemento con algas ou chocolate. E o terceiro, unha ruta a cabalo pola paisaxe interior do concello de Carballo na Yeguada Laurel.