Inscrición nos obradoiros do Mercado de Mulleres Artesás: gratuíta, do mércores 10 de novembro ao venres 12 de novembro ás 14.00 h.

Formulario de inscrición para o OBRADOIRO DE TRENZADO (adultos)

• Sábado 13 de novembro
• Horarios: De 17.00 a 18.00 horas (Grupo 1) De 18.00 a 19:00 horas (Grupo 2).
• Lugar: Mercado municipal de Carballo (2º andar)
• Nº prazas: 10 en cada grupo.
• Admisión por rigorosa orde de inscrición

• Domingo 14 de novembro de 16.30 A 17.30 h.
• Lugar: Mercado municipal de Carballo (2º andar)
• Nº prazas: 10
• Admisión por rigorosa orde de inscrición. 

• Domingo 14 de novembro de 17.00 A 18.00 h.
• Nº prazas: 10.
• Admisión por rigorosa orde de inscrición. 

O 2º andar do Mercado Municipal converterase nunha mostra de artesanía e deseño nunha viaxe pola tradición de palilleiras, redeiras ou sancosmeiras, pero no que tamén haberá cabida para ver a evolución do sector e os vimbios de futuro. Todos os postos terán mulleres á fronte, incluíndo a cinco de Carballo: Marilá Gómez Caamaño con olería, Isabel Andrade con xoiería, Rakelúa con coiro, Vivo Macramé (Nuria Varela) con macramé e Amigurumicri con crochet. En total serán arredor de 30 artesás que porán á venda e amosarán o seu traballo ao público entre as 12.00 e as 21.00 h.

Ademais, haberá un espazo específico dedicado a mulleres artistas de Carballo no que estarán Isa Bermúdez e Nerea Rama, que participaron en Derrubando Muros - Edición Verán o pasado mes de agosto realizando sendos murais para a vila; e tamén María Barca, que creou a postal "Ti es de aquí ou ves á feira?" para a campaña Máis de Carballo que o pan... As tres contarán con exposición e venda e Isa Bermúdez estará ademais pintando ao vivo.

Exposicións, reportaxes, obradoiros…

A cita complétase con numerosas actividades paralelas que durante dous días encherán de vida o Mercado Municipal. O día da apertura está previsto inaugurar unha exposición fotográfica sobre as mulleres artesás e tamén proxectar unha reportaxe documental con entrevistas coas máis veteranas que ofrecen unha interesante visión das súas profesións. Ademais, tanto o sábado coma o domingo haberá sesión vermú e actuacións musicais vespertinas con pandereteiras, Djs e mesmo poesía.

O programa contará tamén con obradoiros para público adulto e tamén para a cativada. A inscrición pode formalizarse cubrindo os formularios que hai ao principio desta nova entre o mércores 10 de novembro e o venres 12 de novembro ás 14.00 h. Entre eles, un obradoiro de trenzado impartido polas sancosmeiras e outro de bordado con Lúa Mosquetera. E para nenas e nenos, haberá pinta caras tanto o sábado coma o domingo coa artista coruñesa Mamen Bazarra; e o domingo, un obradoiro de crebas sobre como converter os refugallos nunha obra de arte.

Solidariedade

Aproveitando a proximidade das datas de Nadal, o 2º andar do Mercado contará así mesmo cun posto especial, o de Cruz Vermella Carballo. O obxectivo é a recollida de doazóns de alimentos non perecedoiros e xoguetes. Como cada ano, prégase que os xoguetes sexan novos. Quen así o desexe, poderá entregalos no Mercado e a cambio, e ata fin de existencias, recibirá unha camiseta ou unha bolsa de merchandising do Mercado de Mulleres Artesás.

PROGRAMA COMPLETO

• Sábado 13 Novembro

• Domingo 14 Novembro