Cartel de Emi de las Heras

O sábado 20 de outubro a arte sae á rúa en Carballo coa asociación Crea Formas Artísticas. Durante todo o día a Praza do Concello ofrece actividades para pequenos e maiores nas que poderedes dar renda solta ás vosas inquedanzas artísticas e tamén, por que non, para pasar un agradable rato en familia. As actividades sucederanse dende as 12.00 e até as 20.00 horas na Praza do Concello e no Xardín Municipal, todas de asistencia libre e gratuita. Haberá obradoiros infantís de mosaicos da antiga Roma e tamén con barro; obradoiros sobre como facer un marcapáxinas ou sobre como elaborar un collage; para adultos os talleres centraranse na "Iniciación ao retrato" e na elaboración de collages con papel pintado. Ofertas para todos os gustos!

Además, ás 17.30 horas o programa céntrase na literatura co debate público "As odiseas cotiás como material literario". A cita está coordinada por Santi Pazos e toma como punto de partida o Ulises de Homero e o de Joyce. O primeiro vive unha viaxe con acontecementos extraordinarios e o segundo unha vida sinxela e cotiá, pero os dous son protagonistas de obras literarias excepcionais. Será que o cotiá pasa a ser excepcional cando se conta dunha forma determinada?

Música e novidades

Os participantes nos obradoiros e quen compren merchandising de Crea Formas participarán no sorteo dunha obra dun membro da asociación

Durante todo o día os obradoiros estarán animados por actuacións musicais. Pola mañá Raigañas de Cerqueda; a media tarde Robert Pier e logo as Cantareiras de Arume; e xa para o peche ás 20.00 horas a Traskiband, a agrupación musical do Camiño dos Faros. Este ano, ademais, a cita conta cun posto en exclusiva para a Asociación Crea Formas no que se venderá merchandising da entidade: camisetas e bolsas. Quen as merquen ou participen nos obradoiros gratuitos poderán cubrir un boleto para participar nun sorteo de obras dos integrantes de Crea Formas.

Así que xa sabedes, música, literatura, arte, e bo tempo, xa que avanzan sol para esta fin de semana. Saíde á rúa!

PROGRAMA COMPLETO

12.15-13.45 h.:

• Obradoiro "A creación de mosaicos na antiga Roma". Nenos.
• Obradoiro "Xogando có barro". Nenos.
• Obradoiro "Marcapáxinas con acuarela". Nenos.

• Actuación musical Raigañas de Cerqueda.

• Obradoiro de Collage infantil. Nenos de 6 a 12 anos.
• Obradoiro de cinema. Nenos.
• Obradoiro "Iniciación ao retrato". Adultos.

• "As odiseas cotiás como material literario". Debate público. Adultos. Xardín Municipal rotonda da Palmeira.

• Actuación musical de Robert Pier.

• Obradoiro "A creación de mosaicos na antigua Roma". Nenos.
• Obradoiro "Collage con papeis pintados". Adultos. 

• Actuación musical Cantareiras de Arume.

• Sorteo de obras e concerto de peche coa Traskiband.