VENRES

Danza. Pisando ovos. Pazo da Cultura. 21.00h. Segue o ciclo Primavera en danza, e faino con duas funcións esta fin de semana. A primeira, o venres, no Pazo da Cultura, leva por nome "Que volvan as flores" e correrá de man da compañía Pisando Ovos e da coreógrafa e bailarina Rut Balbís. Unha obra que se renova cada vez que se representa, que xoga co volume que as 25 cadeiras sobre escea lle dan á imaxe. Máis info aquí.

Blues "Miki Nervio and the Bluesmakers". Sala A Reserva. 23.00h. A deste venres é noite de blues na sala A Reserva, que contará cunha banda con ampla traxectoria no panorama musical galego. O grupo atesoura un total de cinco CDs gravados, participacións en varios festivais e preto de 500 actuacións nas súas máis de dúas décadas de vida. Máis info aquí.

SÁBADO

Danza con colectivo Fume

Obradoiro de bioconstrución para público infantil. Rodo, nº 16 10.30h. O obradoiro "Coas túas mans" está organizado pola asociación ambiental Senda Nova dentro do programa das Semanas da Natureza e Paisaxe. Impárteno Roberto Rivas e Elena Sanmamed, con prazas para até 20 nenos e nenas de 8 anos en adiante Máis info aquí.

Danza. Colectivo Fume. Pazo de la Cultura. 21.00h.  Sombras, cine e danza os tres ingredientes esenciais da obra que o colectivo Fume nos trae para o sábado, dentro do ciclo "Primavera en danza". Un espectáculo vangardista baseada na creación de xogos visuais a partir das imaxes da curtametraxetraxe "E as chemineas decidiron escapar", do realizador Oliver Laxe. Máis info aquí.

DOMINGO

Senderismo. Coristanco histórico. A Primavera en Ruta, o programa sendeirista organizado pola asociación ambiental Senda Nova, trasladarase este domingo até o concello veciño de Coristanco. Será unha ruta de 21 quilómetros e dificultade media, que se estenderá ao longo da mañá. A data límite para a inscrición remata o venres. Os puntos de inscrición, a base de Protección Civil de Carballo, os departamentos de Cultura e Deportes da Laracha e de Coristanco, e o local social de Senda Nova na rúa Venezuela..

Club de debate. Final gallega. Mañana y tarde. Club de debate. Final galega. Mañá e tarde.Será unha batalla dialéctica en toda regra. Ao longo da xornada do domingo, dende as dez da mañá até as sete da tarde,  terá lugar a final do Club de Debate, proxecto de dinamización lingüística impulsado por varios concellos en colaboración coas equipas de normalización e dinalización lingüística dos centros de ensino secundario. O IES carballés Parga Pondal está entre os catro equipos que chegaron á final. O tema a debate: "Herdamos o galego, temos que transmitilo".