En Carballo, o turismo tamén é deporte. Son varios os equipos da vila clasificados en categorías destacadas e iso fai que sexan moitas as persoas que, dende outros puntos de Galicia e do Estado, cheguen á nosa vila. Tal é o caso do Calvo Xiria, o senior masculino, que xoga en 1º estatal, ou do Goldie Xiria, o sénior feminino, que xoga en 1ª autonomica, aos que se unen as categorías xuvenil, cadete e infantil masculino, que compiten en División de Honra.

Esta Semana Santa, ao redor dos 800 rapaces, chegados de 15 clubs de Galicia e de Portugal, participarán na primeira edición do Carballo Handball, o torneo de balonmán que organizán as escolas Xiria xunto co Concello e a a Federación Galega.

Será entre o xoves 2 e o sábado 4 de abril, en horario de 10.00 a 14.00 horas e de 16.00 a 20.00 horas nas instalacións do Colexio Fogar e dos pavillons Vila de Noia e Carballo Calero. Competirán as categorías benxamín, alevín, infantil e cadete  nunha cita que quere darlle repercusión ao deporte de base.

Pola vila pasarán clubs de referencia en Galicia e no resto de España, como o Luceros de Cangas, a SD Teucro e o BM Cisne de Pontevedra, e tamén en Portugal, con equipos como o ABC de Braga, o Ada Maia Ismai ou o São Paulo de Oleiros.

Os benxamíns e alevíns xogarán todos os días pola mañá e pola tarde, mentres que os infantís e cadetes descansarán o xoves e o sábado pola mañá, neste último caso para facer unha saída para coñecer algúns dos lugares máis emblemáticos do municipio, en especial aqueles con interese paisaxístico.

Podes consultar aquí os horarios.