Nadal Cultural: axenda de ocio paras as festas
Velaquí van varias propostas para gozar do Nadal en Carballo.
Nadal pequestacular
Representación de "O último dragón" de Sarabela
Este Nadal non só o Apalpador e os Reis Magos nos virán visitar. Algún dos nomes máis relevantes do teatro e da música infantil traerán os seus espectáculos a Carballo para compracer ás e aos máis peques, e tamén a quen non o sexa tanto se quixer. Será na programación do Nadal Pequespectacular. As entradas, a 3 euros (2 con prezo reducido para menores de 12 anos e para maiores de 65).
Sarabela, unha das compañías dramáticas galegas máis recoñecidas, traerá á nosa vila o seu espectáculo "O último dragón", que combina acción e sorpresas nunha historia de convivencia que aborda o poder enriquecedor da cultura. Será o día 26, no Pazo e ás seis da tarde, a hora á que terán lugar todos os espectáculos.
Tamén por Carballo, e ao día seguinte, se pasará Pablo Díaz, que vén de recibir o Premio Martín Códax ao mellor espectáculo de música infantil. Farao co seu espectáculo "Tic-Toc", que combinan rock, pop, soul e folk. O luns 29 será a vez do mago Pedro Volta e do seu espectáculo Ilusionarte. E o martes 30, a compañía Tartana representará o espectáculo de títeres "El guardián de los cuentos"
Mercarte
Por segundo ano consecutivo, o mercado de abastos de Carballo acollerá, no Nadal, non só boas propostas para o padal senón tamén para a mente e o espíritu. Alí terá lugar o Mercarte, a mostra de artistas, artesáns e artesás de Bergantiños que se celebrará os días 26, 27, 28 e 29 de decembro.
Ademais da exposición dos traballos das e dos nosos creadores, organizaranse obradoiros para peques e persoas adultas. O Mercarte está organización pola Asociación Cultural CreaFormas e conta coa colaboración do Concello de Carballo.
O itinerario do Apalpador e dos Reis
Cabalgata de Reis en Carballo en 2013
A axenda do Apalpador e mais dos Reis Magos será intensa. O domingo 28, o Apalpador aproitará para visitar o barrio da Milagrosa e andar polos seus comercios e mais pola feira. O día 4 de xaneiro haberá cabalgata de Reis en Ardaña e o luns, 5 a comitiva real visitará Carballo, e tamén as parroquias de Baldaio, Berdillo, Bértoa, Sísamo, Oza e Entrecruces. O martes 6, as cabalgatas chegarán a Razo, Lema, Cances e Sofán.
As excusas non faltarán para reunirse e pasalo ben. Como na chocolatada que terá lugar o martes 30, as sete da tarde, na Ludoteca municipal, ou o baile de fin de ano no Casino de Carballo odía 31 e o Festival de Reis para a Terceira Idade, co Dúo de Festa, que se celebrará no Pazo da Cultura, ás seis da tarde.
